പത്തനംതിട്ട: പെട്രോളിയം ഉത്പന്നങ്ങളുടെ അടിക്കടിയുള്ള വിലവർദ്ധനവിനെതിരെ പത്തനംതിട്ട നഗരത്തിൽ കോൺഗ്രസിന്റെ ശക്തമായ ജനകീയ പ്രതിഷേധം. കേന്ദ്ര സർക്കാർ ജനങ്ങളെ അപ്പാടെ കൊള്ളയടിക്കുകയാണെന്ന് ഡിസിസി പ്രസിഡന്റ് സതീഷ് കൊച്ചുപറമ്പിൽ കുറ്റപ്പെടുത്തി.
പത്തനംതിട്ട ഹെഡ് പോസ്റ്റ് ഓഫീസിന് മുന്നിൽ നടന്ന ജില്ലാതല പ്രതിഷേധ ധർണ്ണയിൽ നൂറുകണക്കിന് പ്രവർത്തകർ പങ്കെടുത്തു. സാധാരണക്കാരന്റെ ജീവിതഭാരം ഇരട്ടിയാക്കുന്ന ഈ പകൽക്കൊള്ളയ്ക്കെതിരെ വരും ദിവസങ്ങളിലും സമരം ശക്തമാക്കാനാണ് കോൺഗ്രസ് തീരുമാനം.