പത്തനംതിട്ടയിലെ പ്രാർഥനാ കേന്ദ്രത്തിൽ കൂടുതൽ കുട്ടികൾ പീഡനത്തിന് ഇരയായതായി കണ്ടെത്തൽ

പത്തനംതിട്ടയിലെ ഒരു പ്രാർഥനാ കേന്ദ്രത്തിൽ കൂടുതൽ കുട്ടികൾ ശാരീരിക പീഡനത്തിനും ചൂഷണത്തിനും ഇരയായതായി ചൈൽഡ് വെൽഫെയർ കമ്മിറ്റിയുടെ (CWC) പ്രാഥമിക അന്വേഷണത്തിൽ കണ്ടെത്തി. പതിനേഴുകാരനായ കുട്ടിയെ മർദ്ദിച്ച സംഭവത്തിൽ കഴിഞ്ഞ ദിവസം മൂന്ന് ജീവനക്കാർക്കെതിരെ കേസെടുത്തിരുന്നു. തുടർന്ന് നടത്തിയ പരിശോധനയിലാണ് ഞെട്ടിക്കുന്ന വിവരങ്ങൾ പുറത്തുവന്നത്. അനധികൃതമായി പ്രവർത്തിച്ചിരുന്ന കേന്ദ്രം അടച്ചുപൂട്ടുകയും അന്തേവാസികളെ സുരക്ഷിത കേന്ദ്രങ്ങളിലേക്ക് മാറ്റുകയും ചെയ്തു.

English Summary: A preliminary inquiry by the Child Welfare Committee has revealed that more children were subjected to abuse and exploitation at a worship centre in Pathanamthitta. The centre has been shut down, and authorities have intensified their investigation.