വിശ്വാസികൾ കാത്തിരിക്കുന്ന മകര വിളക്കിന്റെ തൃസന്ധ്യാസമയത്ത് സന്നിധാനത്ത് അയ്യപ്പ വിഗ്രഹത്തിൽ ചാർത്താനായി കൊണ്ടുപോകുന്ന ആഭരണങ്ങൾ വഹിച്ചുകൊണ്ടുള്ള ഘോഷയാത്ര ജനുവരി 12 ന് ഉച്ചയ്ക്ക് 1 മണിക്ക് ആരംഭിക്കും . വലിയ കോയിക്കൽ ധർമ്മ ശാസ്താ ക്ഷേത്രത്തിൽ നിന്ന് ആചാരപ്രകാരം ചടങ്ങുകൾ കഴിഞ്ഞ് പുറപ്പെടുന്ന ഘോഷയാത്ര പരമ്പരാഗത മാർഗങ്ങളിലൂടെയാണ് കടന്നുപോകുക . ആദ്യ ദിവസം രാത്രി അയിരൂർ പുതിയ കാവ് ക്ഷേത്രത്തിൽ ഘോഷയാത്രാസംഘം വിശ്രമിക്കും . രണ്ടാം ദിവസം ജനുവരി 13 ന് രാത്രി ളാഹ വനം വകുപ്പ് സത്രത്തിലാകും വിശ്രമം . മൂന്നാം ദിവസം വൈകുന്നേരത്തോടെ ( ജനുവരി 14 ) ത്രിസന്ധ്യ യിൽ ആഭരണങ്ങൾ വിഗ്രഹത്തിൽ ചാർത്തിക്കഴിയുമ്പോൾ നട തുറക്കുകയും പൊന്നമ്പലമേട്ടിൽ മകര വിളക്ക് തെളിയുകയും ചെയ്യും . ഘോഷയാത്രാ ചടങ്ങുകൾക്ക് കൊട്ടാരം വലിയ തമ്പുരാൻ തിരുവോണം നാൾ രാമ വർമ്മ നേതൃത്വം നൽകും .
ശബരിമല : തിരുവാഭരണങ്ങളുടെ യാത്രാ വഴിയും സമയവും – അറിയേണ്ടതെല്ലാം.
